嚇足全日 哈囉喂開催 無命賠

嚇足全日 哈囉喂開催 無命賠

未到十月，哈囉喂鬼屋經已Ready，等緊你同班Friend嗌餐飽！今年海洋公園哈囉喂全日祭又再搵羅蘭姐助陣，於鬼屋「現聲」嚇人，再加埋其餘鬼屋，真係嗌到失聲都唔掂呀！

嚇到腳軟羅蘭靈異古董店

位置海濱樂園廣場

作 為重點鬼屋，一入去就見到3D羅蘭頭投影（圓圖）於房內唔同角落，再加上典型「龍婆」聲話你知入面好恐怖，未玩先腳軟。雖然一行人有攝影師又有記者，閃光 燈閃唔停之餘仲開埋電筒，但都不時聽到打頭陣的Model係咁尖叫！房間擺設以古董店做主題，好多古董雜物位原來暗藏機關，仲要有演員殺出「夾擊」你，少 鱓心血都唔掂！

鬼屋親子Mode

位置海濱樂園廣場

想拖埋小朋友感受哈囉喂，海洋公園一樣有老少咸宜鬼屋。當中南瓜怪傑工作室同古靈精怪魔法屋咁，驚嚇度接近零，但就有唔少Cute爆萬聖節擺設同造型「親民」的演員於鬼屋入面，志在應節。就算無帶小朋友，入去轁轁氣都好！

血腥之選 凶靈工廠

位置高峰樂園極速之旅

雖然主角鬼屋畀羅蘭搶去，不過呢間凶靈工廠一樣有睇頭。玩斷肢佈置，血腥味夠晒重，仲有玩家必Buy電鋸男，驚嚇度其實唔輸蝕！公關仲靜雞雞同記者講，佢私底下覺得呢間最恐怖！

Party鬼屋 韓流「懼」星狂熱
位置高峰樂園怡庭

鬼屋Crossover韓星，將鬼屋變成間Disco咁，入面播住強勁音樂，鎂光燈仲相當光猛，雖然演員都扮到好恐怖，不過尖叫位認真唔多，反而好似去參觀韓粉間屋咁。

Cute到嚇親 M&M'S走鬼大逃亡
位置高峰樂園動感天地

聽個名以為唔太驚，雖然佢話係畀小朋友玩，不過入面仲昏暗過韓流「懼」星狂熱，仲有骷髏骨擺設、爛面鬼等，年紀太細鮋小朋友就咪帶佢去啦。不過大朋友一定好Like，嚇完一個位，下個位突然見到巨型M&M'S企鰠到擺甫士，Cute到尖叫！

鬼屋列陣

我鈬幫手做Helper，有機會率先入鬼屋。個人覺得羅蘭靈異古董店最嚇人，因為機關位真係好多，好多位都諗唔到會有鬼匿埋，不停被佢嚇一跳！而且入面感覺都幾大，好似行極都行唔完，嚇到腳軟都未到出口咁，救命！

海洋公園哈囉喂全日祭

日期：10月1, 4-6, 11-14, 17-20, 24-27及31日

時間：10:00am至10:00pm（哈囉喂景點於1:00pm後開放）

收費：$320（成人）、$160（小童）

查詢：3923 2323

from
http://news.hkheadline.com/dailynews/content_su/2013/09/18/254930.asp

夠膽你就鈬！ ■右面有三個機關彈出，左面又同時有演員現身嚇你，唔驚就有鬼！



■鬼屋入面好多雜物，突然就會有鬼現身，超驚。



■書櫃格突然打開，仲有鬼頭彈出，估佢唔到！



南瓜怪傑工作室 ■入面統統係南瓜雕刻擺設，小朋友冇有怕！



古靈精怪魔法屋



電鋸男!



■鬼屋部份係露天位，建議等天黑先去。



■有驚嚇演員又有Cutie M&M'S，夠特別！

終極哈囉喂羅蘭鬼屋嚇破膽

終極哈囉喂羅蘭鬼屋嚇破膽

嘩、嘩、嘩！喜歡驚嚇的朋友注意，「龍婆」羅蘭姐回來了！今年，海洋公園哈囉喂特別為羅蘭姐開設了一間主題鬼屋，還有她以招牌的「龍婆腔」作聲音導航，實行讓大家未出發，先心慌！

每年10月的萬聖節，前往海洋公園哈囉喂挑戰鬼屋是不少人的應節慣例。筆者上星期率先試玩了園內六間新開的鬼屋，按照驚嚇程度，大致可分為 「大膽級」和「輕量級」推介給各位。其中前者較合年輕人口味，後者則適合一家大細和長者。當中最驚嚇好玩的，必定是「羅蘭靈異古董店」。鬼屋的主題如其 名，以參觀羅蘭姐一系列受詛咒的古董為楔子。甫進店內，先會聽到羅蘭姐以「龍婆」的聲音作導航，勾起筆者當年看《陰陽路》的不安感。場景充滿中式和老香港 的風情，冷不防會彈出機關和嘩鬼，嚇人招數多花樣，譬如「漆黑路」黑至伸手不見五指，新娘化妝間兩旁的機關和嘩鬼夾攻亦夠驚喜。不過最令人不寒而慄的，還 是由一條條懸吊於半空的辮子組成的「辮子路」。當被長長髮絲纏繞時，實在感覺惡心，試玩當日身邊就有不少玩家慘叫「好核突」。若自問夠大膽，不妨於辮子路 盡處舉頭仰望，皆因多具血淋淋的人頭定會讓各位嚇破膽。

此外，以血腥作主打的「凶靈工廠」和娛樂性十足的「韓流『懼』星狂熱」亦屬大膽級別。至於輕量級的鬼屋，有以展示南瓜雕塑為主的「南瓜怪傑 工作室」和力銷夢幻的「古靈精怪魔法屋」。「M&M'S走鬼大逃亡」雖以M&M'S為主題，卻意外地多機關和嘩鬼，可能會令部分小朋友嚇 一跳！主席盛智文表示，今年適逢哈囉喂十三周年，實屬「好意頭」，所以大搞「全日祭」，在10月指定的十七天內，由早上十時玩到晚上十時，比往年足足長五 小時，方便早睡的小朋友和老友記體驗哈囉喂之樂，同時增設逾十個以上老少咸宜的主題表演和「血戰一分鐘」等小遊戲。另一好消息是，各位今年不再需要特別 「撲飛」，凡持哈囉喂當日的日間門票及智紛全年入場證，即可玩盡哈囉喂（景點於下午一時開啟），一於嚇足全日。